"Ignorance of the law, excuses no one."
upang maiwasan ang mga di kanais-nais na mga pangyayari, mas makakabuti kung alam ng isang ordinaryong porumer ang kanyang mga karapatan upang hindi masindak at maabuso ng isang lango sa kapangyarihan na moderator.
- nakatanggap ka ba ng sapat na babala mula sa mga mods?
kalimitan, dalawang beses na babala ang dapat mong matanggap ng walang kaparusahan at kung gawin mo ulit ang labag sa patakaran pagkatapos ng dalawang babala ay maaari ka ng patawan ng angkop na kaparusahan.
hindi ka maaaring bigyan ng maraming babala sa isang pagkakamali.
- isang babala lang bawa't uri ng opensa ang maaari mong matanggap.
halimbawa, kung ako ay nag-iispam sa lahat ng seksyon at nagawa ko ito sa loob ng isang oras bago nabigyan ng babala ng isang mod. hindi na ako maaaring bigyan ng karagdagang babala ng ibang mods para sa opensang ito. dahil sa wala naman akong masamang rekord ay makakalagpas pa ang aking ginawa.
kung pagkatapos na ako'y bigyan ng babala ay nagpatuloy pa rin ako sa pag-iispam, maaari akong bigyan ng pangalawang babala.
- hindi maaaring pakialaman ng moderator ang iyong isinulat maliban kung may nilalabag itong patakaran.
dapat sabihin ng mod sa iyo kung ano'ng mga bagay ang dapat mong alisin at kung ano'ng dahilan maliban na lang kung ito ay may mga links sa porn, malicious software at piracy.
- hindi dapat pinapalampas ng isa o dalawang araw ang isang opensa.
ang isang kamalian ay hindi pinapalagpas ng mahabang panahon. kung isang linggo na ang nakalipas bago kumilos ang isang mod hinggil rito ay isang malaking kalokohan at pananamantala sa tungkulin na ipinagkaloob sa kanya. ito ay kapabayaan na sa bahagi ng mod at hindi maaaring tumanggap ang isang porumer ng kaparusahan dahil sa kapabayaan ng mod.
- dapat maging patas sa lahat.
hindi magandang sa lahat ng mga nambabastos sa isang mod eh ikaw lang ang naisipang parusahan? magandang ehemplo diyan ang bespren kong mali-mali at mapang-abuso pagdating sa kaso ko lalo na't may nalalaman akong masama niyang ginawa.
kung ayaw ng isang mod na siya ay binabastos ay dapat maging patas siya sa lahat. kung pinapalagpas niya ang iba na sinasalaula ang kanyang pagkatao, wala siyang karapatan na magbigay o humingi ng kaparusahan sa mga hindi niya gustong sumalaula sa kanya.
- karapatan ng isang naparusahan na makita ang mga katibayan at reklamo laban sa kanya.
ipinapaliwanag ng moderator na naggawad ng parusa sa isang porumer kung ano ang nagawa niyang mali at ano ang mga katibayan na ginamit upang marating ang desisyon.
dapat alam ng moderator ang tamang proseso sa mga ganitong bagay. sa bawa't babala o pagban, ipinapaalam ng moderator sa ibang mods ang kanyang ginawad na kaparusahan. kasama rito ang mga katibayan tulad ng links at unedited screenshots. kung may mahahalagang bagay na dapat ihighlight sa screenshot, ang "edited" screenshot ay laging kasunod sa orihinal na screenshot.
ginagawa ito upang maiwasan ang bintang na dinadaya ang katibayan upang palabasing masama ang akusado.
- may "cooldown period" sa bawa't opensa.
may pagkakataon na ang isang kilalang suki na sa mga parusa ay hindi agad nababan samantalang ang isang baguhan ay agad-agad napaparusahan. bakit kaya? ang dahilan ay ang agwat ng bawa't babala. kapag may sapat na panahon na lumipas sa pagitan ng dalawang pagkakamali, imbes na maging dalawang babala na dapat, ito ay nagiging isa na lang.
kalimitan, pinapatawad ang mga nagkasala at binubura ang kanilang mga babala tuwing may okasyon tulad ng kapaskuhan o anibersaryo ng site.
ito ay depende sa namumuno nguni't ang prinsipyo nito ay umiiral sa bawat lomunidad ng porums.
maging flamer, spammer, trashtalker, necromancer o kahit anong uri ka man na porumer, lahat ay may pantay-pantay na karapatan sa lahat ng oras. dapat lang na huwag kang magpatakot sa mga mods dahil hindi sila narito upang pamunuan tayo kundi upang pangalagaan ang ating kapakanan laban sa masasamang elemento.
kung may nakita kayong nakaligtaan ng inyong abang lingkod ay ipaabot lamang upang maisama rito.
Sat Feb 27, 2010 5:43 am